МАХН-ын бага чуулганд 21 аймаг, есөн дүүргийн 150 гаруй төлөөлөгч оролцож, Ерөнхий нарийн бичгийн дарга Н.Удвал, нарийн бичгийн дарга Л.Цог нар даргаллаа. Бага чуулганаар МАХН 2012 оны сонгуульд ямар бодлого баримталж, ямар стратеги төлөвлөгөөтэй оролцох талаараа хэлэлцсэн гэнэ. Мөн УИХ-ын сонгуульд оролцох мөрийн хөтөлбөрөө хэлэлцүүлж, аль нэг нам эвсэлтэй хамтрах эсэхээ ч бас ярилцаж, МҮАН, МАХН-ын гишүүдээс дэмжлэг авав. МҮАН, БНН-тай хамтран оролцох эсэхээ бага чуулганаараа ярилцахаар төлөвлөөд байсан юм. Мөн тус намын гишүүд “Сонгуулиар ухаалаг иргэний үнэмлэх хэрэглэхээ больсныг буруутгаад, сонгууль будлиантах суурь тавигдлаа” хэмээн бага чуулганы үеэр эсэргүүцлээ илэрхийлсэн байна.