Украины ерөнхийлөгч байгаад эх орноосоо зугтаасан Виктор Януковичийг зүрхний шигдээсээр нас барлаа хэмээн “Евромайдан”- нэг идэвхтэн өөрийнхөө фейсбүүк хуудсандаа бичсэн байна. Экс-ерөнхийлөгчийг  Оросын Ростов-на-Дон хотноо нас барлаа гэж сөрөг хүчний идэвхтэн Михаил Лебедь бичсэнийг LB.ua  хэвлэлд бичжээ. Түүнийхээр бол Януковичийг гуравдугаар сарын 3-ны оройн 23,00 цагт эмнэлэгт авчирсан ч нэг цагийн дараа тэрээр нас нөгчсөн гэнэ.

LB.ua  -ийн редакци фейсбүүкийн эзэн рүү  утасдаж лавлахад Лебедь “Итгэхгүй байна уу. Тийм” гэсэн товч хариу өгсөн гэнэ.
Гэхдээ энэ бүхнийг албан ёсны эх сурвалж батлаагүй байна.
Сэтгүүлчид Ростов мужийн  зүрхний мэс заслын клиникийн эмнэлэг, Ростов мужийн ЭМЯ-тай холбоо барьж асуухад Янукович нас барсан болоод эмчлүүлсэн тухай ямар мэдээлэл алга гэжээ.

Украины парламент өөрийг нь сайн дураараа огцорсон гэж зарласны дараа Виктор Янукович орос руу зугтан гараад хэдэн хоногийн дараа хоёрдугаар сарын 28-нд гэнэт оросын Ростов-на-Дон хотноо хэвлэлийн бага хурал хийлгэж  эх орондоо болж байгаа үйл явдлын талаар үнэлэлт дүгнэлт өгч үүнээс гарах арга замын тухай санал дэвшүүлж байсан юм.
Януковичийн үгээр бол түүний болон гэр бүлийнхний нь амь насанд аюул учраад хуучин танилаа бараадаж Ростов-на-Донд ирсэн гэсэн юм.