Украины Львов  хотын Коммунист намын нэгдүгээр нарийн бичгийн дарга  Ростислав Василькогийн мэдээлснээр бол нийслэл Киев хотын төвд болж байгаа жагсаал цуглаанд оролцогч сөрөг хүчнийхэн нэгэн коммунистын хумсны завсраар зүү шаан тамласан байна. Энэ талаар улстөрч өөрийнхөө блокт бичжээ. Ростислав Василько эндээ жагсагчид өөрийнх нь коммунистыг нийслэлийн Марийнскийн цэцэрлэгт хүрээлэнд явж байхад нь хоёрдугаар сарын 22-ны өдөр барьж  авсан гэнэ.
“Тэд манай хүнийг саваа мод, гараараа зодож, хумсан доогуур нь зүү шаан тамласнаас баруун уушиг, хамар нь бэртэж, гурван ч хавирга нь хугарч нүүр нь хөхөрч гэмтсэн. Энд тэндгүй хөхөрч нийтдээ хоёрдугаар зэргийн гэмтэл авсан. Нуруу нугасны гэмтэл ч байж магадгүй байна. Хамаг л мөнгө төгрөг, баримт бичиг, хэрээс бүхий алтан зүүлт зэргийг нь дээрэмдэж авчээ” гэж тэр бичсэн байна.
Василько бас сөрөг хүчнийхэн түүний ээжийг мөрдөж, эхнэр хүүхдэд нь заналхийлж байгаа учраас аль нэг өөр оронд улс төрийн орогнол эрж тусламж хүсч байгаагаа бичжээ. News.am сайтад бичсэнээр бол тэр эрэгтэй одоо Киевийн 17 дугаар эмнэлэгт хэвтэн эмчлүүлж байгаа юм байна. Улстөрч харин тэр коммунистынхаа нэрийг бичээгүй байна.