Жастин Бибер салсан найз охиноо санагалзаж эхэлсэн бололтой. Твиттер хуудсандаа Селена Гомезийн зургийг "Энэ дэлхийн хамгийн хөөрхөн гүнж" гэсэн тайлбартайгаар нийтэлжээ. Дуучин Селена Гомез Оскарын "Vanity Fair" үдэшлэгт оролцох үеийн зургийг Ж.Бибер твиттерт жиргэжээ. Гэхдээ Жастин өөрөө "Vanity Fair"-ийн үдэшлэгт оролцоогүй юм. Тэрээр Атланта дахь гэртээ байгаа хэмээн хэвлэлүүд бичиж байна. Өнгөрсөн амралтын өдөр 20 нас хүрсэн залуу дуучин төрсөн өдрөө гэр бүлийнхэнтэйгээ хамт тэмдэглэхээр Атлантаг зорьсон аж.