Украины Автономит бүгд найрамдах Крым улсад байрладаг Тэнгисийн цфэргийн хүчний командлагч нь зөвхөн Крымд захирагдана, Украины ямар ч тушаал шийдвэрийг биелүүлэхгүй хэмээн тангараг өргөж, энд алба хааж байгаа цэрэг дайчид бөөнөөрөө халагдах өргөдлөө өгч байгаа энэ үед Украин даяар бүх нийтийн цэрэг татлага эхэлж байна.
Энэ талаар Украины Үндэсний аюулгүй байдал, батлан хамгаалах зөвлөлийн нарийн бичгийн дарга Андрей Парубий телевизээр мэдээллээ. Тэрээр ийнхүү бүх нийтийн цэрэг татлага явуулж байгаагаа ОХУ-ын зүгээр цэргийн халдлага гарч болзошгүй байгаатай холбоотой гэсэн байна. “Цэргийн хороод цэрэг татлагыг өглөөний 8,00 цагаас эхлүүлнэ. Үндэсний аюулгүй байдал, батлан хамгаалах хорооны зөвлөлийн шийдвэр ёсоор цэрэг татлагыг улс орон даяар явуулна” гэж Парубий өөрийнхөө фейсбүүк хуудсанд бичжээ.
Үүнтэй зэрэгцээд гуравдугаар сарын 1-нд Украины Үндэсний аюулгүй байдал, батлан хамгаалах зөвлөл бүх төрлийн цэрэгтээ бүрэн бэлэн байдал зарласан байна. Мөн нисэх буудлууд, Атомын цахилгаан станц, стратегийн бусад чухал объктуудыг өндөржүүлсэн хамгаалалтад авчээ.