ОХУ-ын Ерөнхийлөгч, Зэвсэгт хүчний дээд ерөнхий командлагч Владимир Путин Баруун болон Төвийн цэргийн тойрог, төрөл мэргэжлийн цэргийн байлдааны бэлэн байдлыг шалгаж үзэхийг Батлан хамгаалах яамандаа лхагва гарагт үүрэг болгосон байна. Энэ талаар Батлан хамгаалахын сайд, армийн генерал Сергей Шойгу мэдээлжээ. “Цэргийн баруун тойргийн ангиудыг лхагва гаригийн 14,00 цагт түгшүүрээр босгож анги нэгтгэлүүдийг бэлэн байдлыг шалгалаа. Энд Төвийн тойргийн хоёрдугаар арми, Агаар-сансрын хамгаалалтын  командлал, Агаарын десантын цэрэг, Алсын болон цэргийн тээврийн цэрэг орж байна” гэж БХЯ-д болсон зөвлөгөөн дээр Шойгу хэлжээ.
ОХУ-ын ерөнхийлөгчийн үгээр бол цэргийн бэлэн байдлыг ингэж шалгах нь хямралт нөхцөл байдал, улс орны аюулгүй байдалд аюул учрах, террорист халдлага, эрүүл ахуйн болон техникийн шинжтэй элдэв үйлдэлд бэлэн байх зорилготой гэнэ.
Бэлэн байдлын ийм шалгалтыг хоёрдугаар сарын 26-ны өдрөөс гуравдугаар сарын 3 хүртэл хоёр үе шаттай хийх юм байна. Эхний ээлжинд цэргийн анги нэгтгэлүүд байлдааны өндөржүүлсэн бэлэн байдалд шилжиж газар, тэнгист том сургууль хийх бол хоёрдугаар шатанд ньУмард болон Балтийн флотын ангиуд, агаарын хүчнийг оролцуулсан  “оператив-тактикийн сургууль” хийнэ гэнэ.