Украины парламентын “Эрх чөлөө” фракцын тэргүүн Олег Тягнибок  оросууд хар тэнгисийн эргийн хот Севастопольд цэрэг оруулах аюултай гэж мэдэгдсэнийг “РБК-Украины” дамжуулсан байна.  Улстөрчийн хэлснээр бол ОХУ хэдийнээ Крым рүү цэргийн хүч, үүн дотор тэнгисийн явган цэргүүдээ  татаж  байгаа гэжээ.  
Тягнибок үүнийгээ эрэн сурвалжилж байгаа экс-ерөнхийлөгч Виктор Янукович өнөөдөр Севастопольд нуугдаж  байгаа болохоор Орос түүнд дэмжлэг үзүүлж  цэрэг оруулж мэдэх юм гэж тайлбарлажээ. “Энэ нь Оростой  хийх дайныг эхлүүлж болох юм” гэж депутат мэдэгдээд үйл явдал битгий л ингэж өрнөөсэй билээ гэсэн байна.  Депутат Тягнибок харин Януковичийг ойрын үед барьж Киевт авчрах болно гэжээ.
ОХУ-ын Хар тэнгисийн флотын нэг хэсэг Украины Севастополийн нутагт байдаг юм. 2010 онд хоёр улсын байгуулсан хэлэлцээрээр оросын цэргийн бааз Крымд 2042 он хүртэл байрлах юм.