Украины ерөнхийлөгч Виктор Янукович Крымээс оросын байлдааны хөлгөөр зугтаах гэж байлаа гэж Украины Дээд Радагийн бие даасан депутат Олег Ляшко өөрийнхөө Facebook-т бичсэн байна. “Крымын оршин суугчид Януковичийг оросын тэнгисийн явган цэргийн Севастополь дахь байрлалд байхыг харсан байна. Түүнийг одоо оросын байлдааны хөлөг дээр гаргах гэж байна” гэж Ляшко бичжээ. Тэр бас “Энэ алуурчныг яаралтай баривчилж Майданд авчирч дүүжлэх хэрэгтэй” гэж бичсэн байна.
Үүний өмнө Радагийн Удар намын депутат Владимир Куренной өөрийнхөө фесбүүкт Януковичийг Крымд баривчиллаа гэж бичсэн юм.
22-ны бямба гарагт Дээд Рада Виктор Януковчийг Үндсэн хулуийн дагуу Украины ерөнхийлөгчийн үүрэгт ажлаас чөлөөлж Ерөнхийлөгчийн ээлжит бус сонгуулийг ирэх тавдугаар сарын 25-нд явуулахаар тогтоол батлаад байгаа юм. Гэхдээ энэ өдрүүдэд өөрийгөө Украины хууль ёсны ерөнхийлөгч хэвээрээ байгаа, огцрох бодолгүй байгаа, харин улс оронд нь төрийн эргэлт гарч байна гэсэн Януковчиийн ярилцлага хэвлэлээр гараад байгаа юм.