Гутал дотор тэсрэх бөмбөг нууж, онгоцонд дэлбэлж магадгүй гэсэн сэрэмжлүүлгийг АНУ-ын Дотоодын аюулгүйн байдлын яамнаас агаарын тээврийн компаниудад тараажээ. Тагнуулынхны хамгийн сүүлийн үеийн мэдээллээр хилийн чанадаас Америкийг чиглэсэн нислэгээр гуталд нуусан тэсрэг бөмбөг дэлбэлж болзошгүй гэсэн мэдээлэл ирсэн байна. Тиймээс нисэх буудлууд болон агаарын тээврийн компаниуд сүүлийн өдрүүдэд хяналт шалгалтаа чангаруулж байгаа аж.