Буруутанг хаанаас хайх вэ. СЕХ-ны удирдлага манайд санал тоолох машин авах эрхийг нь өгсөн. Бид ямар машин авах талаараа УИХ-ын гишүүдээс санал авсан. Ингээд шийдсэн гэлээ. Харин иргэний цахим үнэмлэх хэвлүүлэх “Бодь” группийнхэн манайхан иргэний цахим үнэмлэх хэвлэх тендер авсны дараа загвар нь өөрчлөгдсөн. Иргэний цахим үнэмлэх унших төхөөрөмж нь таарахгүй байсан учир программаа дахин өөрчлөх хэрэгтэй болсон. Ийм шалтгаанаас болж иргэний цахим үнэмлэх хэвлүүлэх ажил хойшилсон. Хэрэв иргэний цахим үнэмлэх уншигч машиныг авахаар бол хоёр сарын дараа бэлэн болно гэсэн. Энэ уншигч нь нууцлал өндөртэй гэсэн тайлбарыг хийлээ. Харин УБЕГ-ынхан “Бодь” группийн танилцуулаад байгаа цахим үнэмлэх уншигч машин зөвхөн сонгуулийн үеэр л ашиглах юм билээ. Гадаад улс орнуудад энэ уншигчийг цагдаагийн байгууллага нь ашигладаг гэсэн. Сонгуулийн дараа энэ уншигч машин манай байгууллага л лав ашиглах боломжгүй юм билээ гэсэн тайлбар хийсэн юм. Тэдний энэ тайлбар дундаас гишүүд буруутай байгууллагыг тогтоож чадсангүй ээ.