Европчууд хүний эрхийн талаар ярих дуртай. Гэхдээ үндэснийх нь эрх ашиг дээр тулаад ирэхээр хүний эрх, эрх тэгш байдал гэх мэт зүйлс шууд л хүчингүй болдог. Үүний нэг жишээ саяхан Испанийн эрэг орчмын Сеут орчим болсон байна. Дайн тулаантай Камерунаас дүрвэсэн хэдэн мянган хууль бус цагаачид Сеут хотын эрэг рүү амь тэмцэн сэлэх үед хотын цагдаа нар резинэн сумаар буудан уугтсан байна.
Цагдаа нар хэдий резинэн бүрхэвчтэй сумаар буудаж байгаа ч одоогоор 15 хүн амаи алдаж олон зуун хүн шархадсан тухай хүний эрхийг хамгаалагчид мэдэгдэн эсэргүүцэл илэрхийлж байна. Испанийн эрх баригчид энэ бүх зэмлэлийн хариуд цагдаагийн суманд өртөж үрэгдсэн хууль бус цагаач байхгүй, амиа алдсан хүмүүс бүгд далай гатлах гэж завиар явахдаа цангаж эсвэл осгож амиа алдсан гэсэн тайлбар хийжээ.
“Арабын хавар”-ын дараагаар Хойд Африкт газар авсан дайн дажин, тогтворгүй байдал, ядуурлын улмаас Европыг зорих хууль бус цагаачдын тоо эрс нэмэгдээд байгаа юм. Испани нь Африкийн цагаачдыг Баруун Европ руу нэвтрэх гол хаалга болдог тул тус улсын хувьд африк гаралтай хууль бус цагаачдын асуудал хурцаар тавигддаг.
