Энэтхэгийн 23 настай бүсгүй Харнам Каур өндгөн эсийн нэг төрлийн гажгаас болоод 11 наснаас нь эхлэн нүүр, биеэр нь өтгөн үс ургаж эхэлсэн  гэнэ.
Эхлээд тэр нүүрнийхээ үс сахлыг хусдаг байсан ч харин ч бүр их ургаад байхаар нь ичээд бүр амиа хорлоё гэж хүртэл бодож байсан гэдэг.

Харин 16 нас хүрээд тэр үсээ тайрахыг хориглодог сикхизмийн гишүүн болсноор ингэж сахлаа хусахаа больжээ. Эндээс эхлээд л миний амьдрал өөрчлөгдөж, өөрөө өөртөө итгэдэг, өөдрөг болсондоо гэж тэр ярьж байна.

“Өмнө нь би гадуур гарахаас ичдэг байлаа. Өтгөн сахалтай намайг харсан хүмүүс бэлгийн гаж зуршилтай юм байна гэж боддог, бүр нэрлэдэг байсан. Одоо бол би дээд тэнгэр намайг яаж заяасан тэр янзаар нь биеэ авч явж сурсан. Тэгээд ч энэ бүхэн намайг харин ч илүү эмэгтэйлэг, тачаангуй харагдуулдаг” гэж Куар ярьж байна.
                       
Харин эцэг эх нь түүнийг ийм байдалтай гадуур гарч, хэвийн ажиллаж чадахгүй, тэгээд ч хэзээ ч нөхөрт гарч чадахгүй байх хэмээн сэтгэл зовнидог хэвээрээ л гэнэ.