Өмнөд Солонгосын амралт сувиллын Кёнжу  хотод зочид буудлын барилгын дээвэр нурснаас  есөн хүн амь алдаж, хамгийн багаар 15 хүн бэртэж гэмтсэн эмгэнэлт явдал гарчээ. Үйл явдал Пусаны их сургуулийн нэгдүгээр курсийн оюутнууд энд сургуулийнхаа амьдралтай танилцах уулзалт хийж  байхад болсон учраас амь үрэгдэж гэмтсэн хүмүүсийн олонх нь оюутнууд байжээ. Аврагчдын мэдээлж байгаагаар одоо ч гэсэн нуранги дор хүмүүс байгаа гэнэ. “Барилгын дээвэр нурах үед сургуульд 565 орчим хүн байсан байна. Одоогоор нуранги дор наад зах нь 14 хүн байгаа бололтой. Ер нь 80 орчим хүн хөнгөн бэртэл авсан. Цас их орсноос барилгын дээвэр нурсан байх гэж аврагчид үзэж байна. Их цас
аврах болон нүүлгэн шилжүүлэх ажилд ч хүндрэл учруулж байна” гэж мэдээлэлд дурджээ.
Одоо осол болсон газарт 400 гаруй аврагч ажиллаж байгаа юм байна. Кёнжу хот нь Сөүлээс 370 км-ийн зайд Кёнсан-Пукто мужийн зүүн өмнөд хэсэгт байдаг юм байна.