Валентины баяраар Шинэ Зеландад 600 мянган сарнай борлогдоно хэмээн цэцгийн худалдаа эрхлэгчид найдаж байна. Гэхдээ үүний бараг тэн хагас нь Энэтхэг, Колумб зэрэг өөр орноос импортоор орж ирсэн цэцэг байх тооцоо гарсан нь дотоодынхоо цэцэгчдийг бухимдуулж байна. Тэд дотооддоо ургуулсан том сайхан дэлбээтэй, өнгөлөг цэцгүүдийнх нь зах зээлийг олноор нь тарьсан өнгө муутай хямд цэцгүүд эзэлж байгаад сэтгэл дундуур байгаа юм.  Шинэ Зеланд биоаюулгүй байдлын хатуу хуультай орон учраас импортын цэцэг бүрийг 20 минутын турш хербицидээр ариутгадаг юм. Тэгэхээр Валентины баярын өмнөх өдрүүдэд импортын цэцэгнээс үүдсэн ачаалал хил гааль дээр нэлээд ихэсч байгаа аж.
Сүүлийн үед цэцгийн зах зээлд Энэтхэг хүч түрэн орж ирж байна. Европт хүйтэн өвөл болж,  Австрали, Шинэ Зеландад эрэлт өссөний дүнд Энэтхэгийн цэцгийн экспорт нэмэгдэж, зөвхөн Валентины баярын үеэр гэхэд 20 сая цэцэг хил давуулах тооцоо гарчээ.