Рэчел Фредериксон хэмээх 24 настай бүсгүй 118 кг-аас 48 кг хүртлээ турж,  “Biggest Loser” тураах шоуны ялагч болжээ. Тэрээр телевизийн реалити шоунд оролцох хугацаандаа нийтдээ 70 кг буюу өмнөх биеийн жингийнхээ 60 хувийг хаяж, үзэгч олныг гайхашруулаад байна. Түүний энэ эрчимтэй жин хаясан явдал үзэгчид төдийгүй мэргэжилтнүүдийг ангайлгаж, эрүүлээр турж чадсан эсэхэд нь эргэлзэж эхэлжээ. Гэвч Рэчелийн биеийн байдал маш сайн, бие сэтгэлийн хувьд шинээр төрсөн мэт эрч хүчтэй байна гэдгээ хэлсэн байна. АНУ-аас үүсэлтэй дэлхийн олон орны телевизүүд өөр өөрсдийнхөөр найруулан хийдэг уг тураах шоунд хэт илүүдэл жинтэй олон хүн орж,  хүссэн хэмжээндээ хүртлээ турж байсан юм. Гэхдээ түүн шиг загвар өмсөгчийн хэмжээнд хүртлээ турж, дүр төрх нь танигдахын аргагүй болтлоо өөрчлөгдсөн оролцогч олон биш.
Рэчел хэрхэн ийм үр дүнд хүрснийг үзэгчид мэдэхийг хүсч, түүнийг дасгалжуулж байсан фитнесийн болон хоол тэжээлийн мэргэжилтнүүд рүү олноороо хандаж байгаа ч тэдний арга нууц хэвээр үлджээ. Biggest Loser тэмцээнд Рэчелийн араас 100 кг жин хаясан Дэвид хэмээх 42 настай эрэгтэй орсон байна. Тэрээр шоуны эхэнд 185 кг байснаас 85 кг болтлоо туржээ.