Польшийн хөгжмийн алдарт зохиолч Фридерик Шопены нэрэмжит олон улсын төгөлдөр хуурчдын уралдаан Улаанбаатар хотноо энэ сарын 23-28-нд хоёр дахь удаагаа зохион байгуулна.

“Ф.Шопен ба 21-р зууны Монгол” олон улсын төгөлдөр хуурчдын хоёрдугаар уралдаан ССАЖ-ын сайдын ивээл дор болно. Одоогоор ОХУ, БНХАУ, БНСУ зэрэг орны 30 гаруй төгөлдөр  хуурч  уралдаанд оролцох хүсэлтээ ирүүлээд байна. Уралдаан 30 орчим сая төгрөгийн шагналын сантай.

Ф.Шопены нэрэмжит хөгжмийн академийн профессор, нэрт төгөлдөр хуурч Эва Поблоцка, Шанхайн хөгжмийн дээд сургууль /консерватори/-ийн захирал Зие Танг, ОХУ-ын Эрхүүгийн Ф.Шопены нэрэмжит консерваторийн захирал, гавьяат жүжигчин А.С.Дурбажева нар тус уралдааныг шүүн тунгааж шилдгүүдийг тодруулна. Нээлтийн үеэр төгөлдөр хуурч Эва Поблоцка Шопены бүтээлээс тоглож үзэгчдийн сонорыг мялаана.