Дуучин Жастин Бибер ээлжит дуулианаа тариад байна. Тэр энэ удаа согтуугаар, бас болоогүй мансууруулах төрлийн бодис хэрэглэсэн байх үедээ хурд хэтрүүлэн жолоо барьсан хэмээн цагдаад баригджээ. Дуучныг пүрэв гаригийн үүрийн дөрвөн цагийн үед баривчлахад эрүүл бус ухаантай байгаа нь тодорхой байж. Бибер цагдаа нарт баригдахдаа эхэндээ ихэд уурлан, байнга хараалын үгс хэлэн хашгичиж байсан гэнэ. Харин түүний цагдаагийн газарт авахуулсан зургийг харвал ихэд баяр хөөртэй байгаа шинжтэй инээмсэглэн зургаа авахуулжээ. Тэрээр 2500 ам.долларын барьцаа төлж, суллагдан гарч ирэхдээ тэнд цугларсан фэнүүд рүүгээ баяртайгаар гар даллан мэндчилж байсан нь гаргасан үйлдэлдээ огтхон ч гэмшсэн шинжгүй байжээ.

 Тэрээр цагдаад байцаагдах үедээ бүхэл өдөржин марихуан татсан, орой нь шар айраг уусан, тэгээд торны цаана байх үед нь ээж нь түүнийг тайвшруулахаар мансууруулах үйлчилгээтэй "Xanax" эм өгсөн хэмээн мэдүүлжээ.
Хамгийн хачирхалтай нь, Жастин Биберийг согтуугаар Ламборжини машинаа унан, шөнөөр сэлгүүцэн зугаацах үед аав нь түүнтэй хамт явсан гэдэг мэдээлэл байна.







Бибер цагдаад баригдахын өмнө найзуудтайгаа мөн энэ бүсгүйтэй шөнийн клубт наргижээ.