Жүжигчин Арнольд Шварцнеггер эхнэртэйгээ эргэж нийлэх нь бараг бүтэхээргүй болжээ. Учир нь, 66 настай жүжигчин эр сүүлийн үед шинэ найз бүсгүйтэйгээ хамт яваагаар байнга хэвлэлийн дуранд үзэгдэх болж. Уг нь, А.Шварцнеггерийн эхнэр Мария Шривер дөрвөн хүүхдийнхээ эцэгтэй эргэж нийлэх бодолтой байгаа гэж хэвлэлүүд мэдээлж байсан. А.Шварцнеггер ч Германы сонинд өгсөн ярилцлагадаа эхнэрийнхээ итгэлийг эргүүлэн олж авахын тулд хичээх болно хэмээн өгүүлж байсан юм. Гэвч физик эмчилгээний мэргэжилтэн залуу бүсгүйтэй өнгөрсөн оны эхнээс болзож эхэлснээс хойш хуучин амьдралаа олж авах нь тийм ч чухал биш болсон бололтой.