Мартин Скорсезийн найруулж гол дүрд нь Леонардо ДеКаприогийн тоглосон “Уолл-стритийн чоно” киног хэд хэдэн улс орон дэлгэцэнд гаргахыг  хориглосон бол зарим орон хатуу хяналтад оруулж байгаа гэнэ. Малайз, Балба зэрэг оронд бүр хориглосон бол энэтхэгийн прокатаар засварлаж гаргахаар болсон байна. Ливанд ч бас хасч танан гаргахаар төлөвлөж байгаа бол Сингапурын зарим кино театр  үзэгчдэд насны хязгаар тогтоон үзүүлэх юм байна.
Хэргийн гол нь 71 настай найруулагчийн гурван цаг үргэлжилдэг энэ кинон дээр бэлгийн амьдралын талаар илэн далангүй гаргаж байгаа гэнэ. Бас бэлгийн харьцааг илэрхийлдэг гэдэг “f үсэг бүхий үг” энэ кинонд 569 удаа хэрэглэгддэг байна.
Киноны гол дүрд тоглосон жүжигчин Леонардо ДеКаприо “Оскар”-ын шагналд нэр дэвшээд байгаа бол кино өөрөө “Шилдэг кино”, “шилдэг найруулагч”, “Шилдэг эрэгтэй дүр”, “Туслах дүрийн шилдэг эрэгтэй жүжигчин”, “Шилдэг зохиол”-д нэр дэвшээд байгаа юм.