Монголын хувцас загвар, худалдааны ертөнцийг Азид төдийгүй дэлхийд сурталчлан таниулах “Азийн загварын 7 хоног-2014” ирэх наймдугаар сарын 28-31-ний өдөр Улаанбаатар хотноо болно.

 Уг арга хэмжээнд нийт 50 гаруй орны 200 гаруй дизайнерууд болон Япон, Африк зэрэг орны миссүүд хүрэлцэн ирж оролцохоо мэдэгджээ. Харин манай улсаас 50 модель, таван дизайнер, таван үсчин гоо засалч оролцох эрхтэй бөгөөд моделиуд болон дизайнер, үсчин гоо засалчдын сонгон шалгаруулалтыг ирэх наймдугаар сарын 1-нээс өмнө явуулах юм.

Өнгөрсөн жил Япон улсад болсон “Азийн загварын 7 хоног-2013”-ийн телевизийн шоу нэвтрүүлгийг дэлхийн 110 гаруй орны 80 сая үзэгч үзэж сонирхжээ.