Олон улсын киноны “Алтан бөмбөрцөг” шагнал гардуулах ёслол улаан хивс нь усанд автсанаар эхэллээ гэж France-Presse агентлаг мэдээллээ. Ёслол зохион байгуулагчдын мэдээлснээр бол нэгдүгээр сарын 12-ны орой Лос-Анжелосын нэг зочид буудалд гал унтраах төхөөргийн нь нэг хоолой эвдэрч ус алджээ. Ингэснээр шагнал олгох ёслол зохион байгуулах хорооны өрөөнүүд усанд автаж, улаан хивсэн дээгүүр нь хальснаас  ёслол цагтаа эхлэхгүйд хүрсэн байна. Гэтэл бас улаан хивсний ойролцоо галын дохио ажиллаж эхэлжээ. Энэ нь кино телевизийн уран бүтээлчид гэрэлтүүлгийн хэрэгслээ галын дохиоллын ойрхон байрлуулснаас болсон гэж мэргэжилтнүүд тогтоосон байна.
71 дэх удаагаа болж байгаа  энэ жилийн “Алтан бөмбөрцөг” шагнал олгох ёслолоор  шагналд тодрох хамгийн магадлалтай бүтээлүүдийг  найруулагч Стив Маккуины “12 жил боолчлолд”, найруулагч Дэвид О.Расселийн “Америк маягийн таагүй явдал” кинонууд тэргүүлж байна.