Их британийн Бристолийн их сургуулийн цаг уур судлаачид Жон Толкиений “Бөгжний эзэн” романд гардаг хоббитуудын амьдардаг Шир гэдэг нь Белорус байх гэсэн таамаглал дэвшүүлжээ. Тэд белорусын цаг уурын байдлыг судлаад ийм дүгнэлтэд хүрсэн байна.
Үүнээс гадна романы нэг баатар Фродогийн өнөөх Сауроны бөгжийг үгүй хийдэг Улаан уул, Мордорын байдаг газар нь өнөөгийн Техас юм уу Лос-Анжелос, эсвэл австралийн Элис Спрингстэй төстэй байна гэжээ.
Ийм гаргалгаа хийхийн тулд цаг уурчид Цаг уурын өөрчлөлтийг судалдаг олон улсын засгийн газрын бус байгууллагын тайлангуудыг ашиглан хоббитуудын үеийн цаг уурын загвар гаргаж үүнээ харьцуулан авч үзжээ. Зарим нь үүнийг эхлээд тоглоом шоглоом гэж хүлээн авсан ч эрдэмтэд үүнийгээ шинжлэх ухааны үндэслэлтэй гэж байгаа юм.