Сонгуулийн тухай хууль Үндсэн хууль зөрчсөн эсэхийг Үндсэн хуулийн цэц дунд суудлын хуралдаанаараа авч хэлэлцээд зөрчсөн гэсэн дүгнэлт гаргасан билээ. Харин Үндсэн хуулийн эл шийдвэрийг УИХ хүлээж аваагүй. Тиймээс Үндсэн хуулийн цэц энэ маргааныг эцэслэн шийдвэрлэх зорилгоор Сонгуулийн тухай хуулийг их суудлын хуралдаанаараа хэлэлцэхээр шийдвэрлэжээ. Хуралдаанаар Монгол Улсын Их Хурлын сонгуулийн 26 тойрогт 48 мандатын төлөө нэр дэвшигчдээс тус тусын тойрогтоо ялагдал хүлээсэн боловч тэдгээрээс 28 ба түүнээс дээш хувийн санал авсан нэр дэвшигч УИХ-ын гишүүнээр сонгогдох боломжийг бий болгон хуульчилсан Монгол Улсын Их Хурлын сонгуулийн тухай хуулийн 4 дүгээр зүйлийн 4.9 дэх хэсгийн холбогдох заалт, 49 дүгээр зүйлийн 49.1.5, 49.1.5.а, 49.1.5.б, 49.1.5.в заалт, мөн зүйлийн 49.1.6 дахь заалтын холбогдох хэсэг Үндсэн хуулийн холбогдох зүйл, заалтыг зөрчсөн эсэх тухай маргааныг дахин хянаж, эцэслэн шийдвэрлэх юм.