Холливудын нэрт жүжигчин, тулааны урлагийн мастер Стивен Сигал  америкийн Аризона мужийн амбан захирагчийн суудлын төлөө өрсөлдөнө гэдгээ мэдэгджээ. Тэрээр KNXV-TV телевизэд өгсөн ярилцлагадаа АНУ-ын хувьд хамгийн тулгамдсан асуудал бол “Нээлттэй хил хязгаар” гээд “хэрэв таны хил аюулгүй байж чадахгүй л юм бол танд улс орон гэж байхгүй” гэсэн байна. Үүгээрээ тэр улстөрчдийн яриад байдаг терроризм, алан хядлага бол зүгээр ч нэг тулгамдсан асуудал биш, нээлттэй хилээр чинь хэзээ ч ямар ч аюул ороод ирэхэд бэлэн байна шүү” гэдгийг хэлжээ.  
Киноны од Арнольд Шварценеггер саяхан болтол Калифорни мужийн амбан захирагч байж сонгуулийн хоёр хугацаагаар ажилласан, жүжигчин байсан Рональд Рейган АНУ-ын ерөнхийлөгч байсан гээд жүжигчид улстөрд орохыг америкчууд хэдийнээс мэднэ.