Байгалийн түүхийн музей. Энэ музейг монголчууд төдийгүй Монголд ирсэн гадаадынхан үздэг. Гэтэл “Өөдлөх айл үүднээсээ” гэдэг үгийн эсрэг нэг зүйл энэ музейд  байна. Энэ нь хоёр арслангийн байрлал.
Арсланг монголчууд төдийгүй Европынхон эртнээс дээдэлж иржээ. Монголчууд арсланг хүч чадал, энх амгалангийн илэрхийлэл болохоос гадна шунал, хорон муу үйлээс зайлуулагч хэмээн бэлгэшээдэг. Иймээс ч үүд хаалгаа арслангаар мануулдаг уламжлал эртнээс тогтжээ. Социализмын үед эрдэмтэд дарга нарт хэлж мэдэгдэлгүй, мөнгөний эх болсон нэг төгрөгийн дэвсгэрт дээр арсланг маш урнаар нууцхан байрлуулсан байдаг. Байгалийн түүхийн музейн өмнө байх  эрслэн сарвуундаа гүегээ базсан байдалтай, харин арсланг хүрхэрч байгааг илтгэн аманд нь бөөрөнхий чулууг маш урнаар сийлсэн байгааг анзаардаггүй хүн байдаггүй байх. Гэтэл  эмэгчин, эрэгчин арслангийн байр буруу байх юм. Уг нь арслан баруун талд нь эрслэн зүүн талд нь байх учиртай.
Музейн захирал, ноён Н.Зоригтбаатар танд ажилтнууд чинь тун ам сайтай байх юм билээ. Гэвч та намайг юм бичих болгонд авдаг татвараар цалинждаг нэгэн. Иймээс арслангуудыг зөв байрлуулж,  монголчуудын нэрийг гаднынханд сэвтүүлэх нэг үйлдлээ таслан зогсоовол танд хувиасаа болон монголчуудын өмнөөс нэн талархах байна.