Дуучин Бионсе хорт хавдраар өвчилсөн охинд гэнэтийн бэлэг барьж, Лас Вегаст хийсэн тоглолтынхоо үеэр түүнд зориулан дуулжээ. Тэйлон Дэвис хэмээх 12 настай энэ охин ясны хорт хавдраар өвчилсөн юм байна. Түүний хүслийг биелүүлэхээр "Make A Wish" сангаас дуучин Бионсед ханджээ. Харин Бионсе "Mrs Carter" дэлхийг тойрсон аялан тоглолтоо Лас Вегаст хийх үеэрээ охинтой уулзахыг зөвшөөрчээ. Шүтэн биширдэг хүн нь өөрт нь зориулаад дуулахыг харсан охины сэтгэл их хөдөлж, уйлж байжээ. Охин ээжээсээ "Энэ үнэн гэж үү" хэмээн дахин дахин асууж байсан гэнэ.
"Make A Wish" сан нь хорт хавдартай хүүхдүүдийн хүсэл мөрөөдлийг биелүүлэх зорилготой ашгийн бус байгууллага юм. Энэ сангаас сарын өмнө мөн л хорт хавдраар өвчилсөн нэгэн хүүгийн хүслийг биелүүлж, бэткидийн дүрд хувиргаж өгсөн юм. Хүүгийн хүслийг биелүүлэхээр бүтэн хот тэр даяараа хөдөлж, батмэний адал явдлыг тоглосон билээ.