Тарган эмэгтэйчүүдэд зориулсан сайтынхан мариалаг Барби үйлдвэрлэх санал дэвшүүлж үүнийгээ бусадтай хувцаалцахад хэдхэн хоногийн дотор гэхэд л 38 мянган хүн үүнийг нь дэмжжээ.

Тэврэхэд тэвэр дүүрэн Барби нь богинохон ягаан даашинзтай, өндөр өсгийт өмссөн байх юм гэнэ. Өмнө гарсан Барбигаас энэ нь бүдүүн гуя, гар, бас ч хэд хэдэн нугалаа, давхар эрүүтэйгээрээ ялгаатай  байх юм байна.

Зарим уншигч мариалаг Барби хийх нь дэмий зүйл, өсвөр үеийнхнийг эрүүл бусаар хооллож таргалах сонирхолтой болгож мэднэ гэсэн байна. Тэгээдч Барби хүүхэлдэй анхнаасаа л гоолигхон гарсан нь харин ч олон хүнийг эрүүл зөв хооллож туяхан биетэй болоход нөлөөлсөн гэжээ.