Канадын поп-дуучин Жастин Бибер тун удахгүй шинэ цомог гаргаад дуу хөгжмийн карьераа дуусгана хэмээн мэдэгдсэн нь олныг гайхшрууллаа. Тэрээр энэ арванхоёрдугаар сард өөрийн Journals нэртэй  шинэ цомгоо гаргаад тайзнаас бууна хэмээн зарласан байна. 19 настай од хэзээ тайзан дээрээ эргэн ирэх, цаашдаа ямар төлөвлөгөөтэй байгаагаа хэлсэнгүй, ганцхан “Хөгжим миний хувьд хэдийнээ хангалттай” гэжээ.
Харин түүний ойрын хүрээнийхэн энэ тухайд “Цаадах чинь зүгээр л тоглож байгаа юм” гэсэн байна.
Поп дуучин Жастин Бибер 12 наснаасаа хөгжмөөр хичээллэж ээж нь нэг удаа бичлэгийг нь YouTube-д тавьснаар нэрд гарсан юм.
Тэр "My World 2.0", "Under The Misletoe" болон  "Believe" гэсэн гурван цомог гаргаж дуунууд нь төрөл бүрийн хэдэн арван цомогт орж байсан юм.
2011 онд түүний тухай “Жастин Бибер: Хэзээ ч бүү ярьж, хэзээ ч” гэдэг кино-концерт гарч зах зээлээс 98,4 сая доллар цуглуулсан юм.