Маколай Калкин энэ зул сараар гэртээ ганцаараа үлдэхгүй нь бололтой. Жүжигчин залуу шинэ хайр дурлалаа олж, Парист зугаалж явна. Талархлын баярыг Парист хамт өнгөрүүлж буй түүний шинэ найз бүсгүй экс найз бүсгүй Мила Кунистэй нэлээн төстэй нэгэн аж.
Маколай Калкин Мила Кунис нар бараг есөн жил хамтдаа байсны эцэст салж, одоо Милан Кунис Эштон Катчертай хамт амьдарч байгаа билээ. Харин хар тамхи, мансууруулах бодист автсан Маколай Калкины биеийн байдал нэг хэсэг дордсоны дараа одоо хэвийн амьдралдаа орж байгаа бололтой. Тэрээр дурлалын хотод ирснээ мэдрүүлэх гэсэн мэт найз бүсгүйдээ гадагш гарах болгондоо цэцэг бэлэглэж байгаа нь паппарацын дуранд өртжээ.