Их Британийн хатан хааны гэр бүлийн Кенсингтоны ордонд Цагаан өвлийн гала хэмээх хүндэтгэлийн хүлээн авалт болж, Америкийн хөгжмийн оддоос цөөнгүй зочин уригджээ. Тэдний дотор байсан каунтри дуучин Тэйлор Свифт эгээ л гүнж шиг үзэсгэлэнтэй харагдаж байсныг британичууд шагшран бичиж байна.
Уг хүлээн авалтын хүндэт зочин мөн зохион байгуулагч Уильям гүн Бон Жовигийн урилгаар тайзнаа гарч ирж, "Livin" On a Prayer" дууг хамтдаа дуулсан нь тэнд цугларагсдын хувьд таамаглашгүй сюрприз байлаа. Гэхдээ Уильям нэг болзолтойгоор тайзнаа гарч ирсэн нь Тэйлор Свифттэй хамт дуулах байв. Ингээд гурван алдартан тайзнаа хамтдаа дуулж, зочдоо хөгжөөжээ.