Дугаарын хязгаарлалтын санал асуулга өнөөдөр 22 цаг хүртэл үргэлжилнэ

Нийслэлийн Байгаль орчны газраас зэрлэг амьтдад ээлтэй хашааны стандартыг батлуулж, мөрдүүлэн ажиллаж байна Өрхийн эрүүл мэндийн төвүүд ажлын өдөр 20:00 цаг хүртэл уртасгасан цагаар ажиллана Томуу, томуу төст өвчний дэгдэлт эрс нэмэгдэж байгаатай холбогдуулан дараах "ЗӨВЛӨМЖ"-ийг хүргэж байна Шатрын Монгол Улсын аваргаар 11 настай Ц.Ананд тодорлоо "Болор цом 43" яруу найргийн наадамд шүлгээ унших яруу найрагчид тодорчээ Хянан шалгах түр хорооноос нотлох баримтыг шинжлэн судлах сонсголыг зохион байгуулна Сурагчдын өвлийн амралтыг 14 хоногийн өмнө эхлүүлэх саналыг ЭМЯ гаргаж Боловсролын яаманд хүргүүлжээ ЦАГ АГААР: Улаанбаатарт өдөртөө 11 хэм хүйтэн ЭМЯ: Ханиад томуу ихэссэн тул сурагчдын амралтанд зохицуулалт хийх эсэхийг хэлэлцэж байна Цаг агаарын аюултай үзэгдлээс сэрэмжлүүлж байна

2013-11-27

Нийслэлийн иргэдээс нийслэлийн ЗДТГ, нийслэлийн Иргэдийг хүлээн авах төвд хүйтний удиралд дугаарын хязгаарлалтыг цуцалж өгөх талаар нилээдгүй хүсэлт ирүүлсэн. Нийслэлийн удирдлагууд аливаа томоохон шийдвэр гаргахдаа иргэдээсээ асуух зарчим баримталж байгаа тул иргэдийн хүсэлтийн дагуу дугаарын хязгаарлалтыг цуцлах эсэх талаар 2013 оны 11-р сарын 13-наас 15 хүртэл 48 цагийн хугацаанд санал авсан. Саналыг цахим хуудас, мессеж гэсэн 2 хэлбэрээр авсан бөгөөд цахим хуудсаар саналаа өгсөн иргэдийн 70 гаруй хувь нь цуцлахыг дэмжсэн бол Мобикомын 100 мянган хэрэглэгчээс хариу мессеж илгээсэн иргэдийн 50 гаруй хувь нь дэмжихгүй гэсэн. Санал асуулгын дүн ийнхүү зөрүүтэй гарсан тул нийслэлийн удирдлагын зөвлөлийн 11 сарын 23-ны ээлжит хуралдааны шийдвэрээр дахин санал авахаар болж, Мобикомын 200 мянган хэрэглэгчээс өнөөдөр /лахагва гараг/ 07-22 цагийн хооронд мессежээр, нийслэлийн лавлагаа мэдээллийн 1200 утсанд дуудлагаар санал авч байна. Энэ нь эцсийн шийдвэр гаргахад иргэдийг илүү өргөн хүрээнд хамруулж чадна гэж албаныхан үзэж байгаа юм. Мессежээр санал асуулга явуулан, дүнг нэгтгэх техникийн хүчин чадалтай үүрэн телефоны Мобиком, Unitel операторуудаас Мобиком нь хамгийн хямд, санал асуулгын нэг мессеж илгээхэд Unitel-ээс 20 дахин бага буюу 12 төгрөг зарцуулдаг тул энэ удаагийн санал асуулгыг Мобикомын 200 мянган хэрэглэгчээс авч байгаа юм. Өнөөдөр иргэдийн илгээсэн хариу мессеж, дуудлагаар дугаарын хязгаарлалтыг цуцлах эсэхийг шийдвэрлэх учраас 22 цаг хүртэл үргэлжлэх санал асуулгад иргэд идэвхтэй оролцон, мессеж очсон тохиолдолд хариу заавал илгээгээрэй гэж Нийслэлийн Хэвлэл мэдээлэл, олон нийттэй харилцах хэлтсээс мэдээллээ.

ЖИРГЭХ ХУВААЛЦАХ

0 Сэтгэгдэл