Уралдаанд оролцогчдын бүтээлийг есдүгээр сарын 3-ны өдрийг хүртэл хүлээн авсан бөгөөд нийт олон ангит хүүхэлдэйн киноны зохиолын төрлөөр 15, бүрэн хэмжээний хүүхдийн уран сайхны кино зохиолын төрлөөр 26 бүтээл ирүүлжээ. Хүүхдийн уран сайхны киноны зохиол нь сэдэв чөлөөтэй, сургуулийн бага, дунд насныханд зориулсан 1 цагаас 1 цаг 20 минут үргэлжлэх хугацаатай байх бол олон ангит хүүхэлдэйн киноны зохиол нь бага насныханд зориулсан чөлөөт сэдэвтэй, нэг анги нь 10 минут үргэлжлэх гэсэн шаардлагыг тавьсан байсан юм. Уралдааны дүнг Соёл, спорт, аялал жуулчлалын сайдын тушаалаар томилогдсон мэргэжлийн зөвлөл уралдааны удирдамж, болзлын дагуу 3 үе шатаар шалгаруулж дүнг гаргажээ. Үүнд:

1. Хүүхэлдэйн кино зохиолын төрлөөр:

            Тэргүүн байр-Хө.Хүчитхарын зохиол “Бага хөлгөн туульс”,

            Дэд байр-Б.Анармаагийн  зохиол “Нарны бэлэг”,

1. Хүүхдэд зориулсан бүрэн хэмжээний уран сайхны кино зохиолын төрлөөр:

  Тэргүүн байр- Ч.Наранцэцэгийн зохиол “Өөр”,

              Дэд байр- С.Ангарагийн “Итгэл” зохиол тус тус шалгарлаа. Уралдааны болзлын дагуу шагналт байранд шалгарсан бүтээл тус бүрт 3-5 сая төгрөгийн шагнал олгох юм.