Шри-Ланкад нэгэн хос хорвоод байхгүй нүсэр том хуримын ёслол хийж, Гиннесийн рекорд эвдлээ. Нинсала, Налин хэмээх хуримлагч хос хоёр эмэгтэйн талаас 126  бэргэн, эрэгтэйн талаас 25 эрэгтэйг гэрчээр оролцуулж, 20 хүү, 23 охиноор өмнөө цэцэг асгуулан алхжээ. Хуримд мэдээж тэднээс гадна ах дүү, төрөл төрөгсөд, найз нөхөд гээд хэдэн зуун хүн уригдан ирсний дотор Шри-Ланкын тэргүүн хатагтай ч бас багтжээ. Тэд анхнаасаа хамгийн том хурим хийж, дэлхийн дээд амжилт тогтоохыг хүссэн учраас Гиннесийн албаныхныг хуримандаа урьжээ. Ингээд тэдний хуримын гэрчийн тоо өмнө нь Тайланд хосын тогтоосон амжилтаас /96 гэрчтэй/ хэдэн хувь илүү байсан учир Гиннесийн рекордын батламж гардуулжээ.