Оросын Нытва хотоос холгүй Нижная Гаревая тосгонд хэдхэн хоногийн өмнө хүний санаанд оромгүй аймшигтай хэрэг гарч олныг цочирдууллаа. 30 орчим насны хоёр залуу, гэртээ ирээд долоон настай Полина, гурван настай Маша хоёроо хүний гарт амь алдсан байхыг нь харах нь тэр.

Арваннэгдүгээр сарын 3-ны ням гарагт  хоёр охины аав Василий шинэ барьсан байшиндаа халаалт оруулах ажилчидтай ярьж тохирохоор хот явсан байна. Тосгоноос хот ороход явганаар ердөө 30 минут явах газар.

Охидтойгоо ээж Надя нь үлдсэн ч найз бүсгүй нь ирж хот руу дэлгүүр оръё гэхээр нь хөршийнхөө 17 настай Владимир Черемных гэдэг залууд хүүхдүүдээ захиад явжээ. Надягийн найзыг ирэхэд тэр залуу тэднийд компьютер тоглоод сууж байж Тэр залуу хулгайн хэргээр ял эдлээд дөнгөж өнгөрсөн хавар суллагдсан гэнэ.
Удалгүй Вася ирээд хаалгаа тогшихоп дотроосоо түгжээтэй байснаа гэнэ нээгдэж гэнэт буудах чимээ гарах нь тэр. Вася яаж чадаагүй, тэгтэл ч Надя ирсэн. Тэгээд л байшинд ороход хоёр охин нь цусанд хутгалдчихсан газар хэвтэж байсан. Поля охин амьсгалахгүй, харин бага охин нь амьсгаатай байсан ч түргэн тусламж ирэхэд нас барсан байна. Тэгээд л цагдаа......

Тэгтэл ч тосгоныхон цугларах нь тэр. Аймшигт зүйлийг эрчүүд ч харж чадахгүй нулимстай байцгаасан гэдэг.  
Чангаар хашгирч, барьсан алхаараа хэнийг ч болов цохих гэж дайрах хөөрхий Васяг цагдаагийн гурван ч ажилтан арай гэж барьж байлаа.  Харин Надя ухаантай ухаангүй хоёрын хооронд суух хэвтэхийн завсар  дэргэд нь бүчсэн эмэгтэйчүүдийн дунд байсан.

Тосгоны эрчүүд бүгд л тэр хавийг нэгжиж алуурчныг хайцгааж, олвол хэрчиж алахад бэлэн байлаа.
-Түүнийг барьсан бол бид өөрийн шүүхээр шүүх байсан. Ёстой тасар татах байсан гэж хөршүүд нь ярьж байжээ.
Гэмт хэрэгтнийг хэдэн цагийн дараа Нытвагийн авто вокзалаас баривчилсан байна. Тэр хот ордог замаар биш, ой дундуур гүйж хот ороод өөр тийшээ явж нуугдах гэж байжээ.

“Ингэнэ чинээ яаж санах билээ”

Яагаад ээж нь хүүхдүүдээ тэр залуутай үлдээсэн юм бол.....Эцэг эх хоёр нь үнэндээ ярих ч чадалгүй, хэнтэй ч юу ярихгүй байсан.

Харин тосгоны оршин суугчид, манай орост чинь бараг л гурван хүн тутмын нэг нь ямар нэгэн хэргээр шоронд ордог шүү дээ. Хулгайн хэргээр хэдхэн сарын ял эдлээд ирсэн Володяг ийм хэрэг хийнэ гэж хэн санах билээ. Эцэг эх хоёр нь өөр өөрийн амьдрал хөөгөөд явсан, эмээтэйгээ өссөн л хүүхэд. Багаасаа л хүний юм хумсалж, халаас суйлдаг байсан. Энэ нь даварсаар , бас архи ууж хэрэгт орсон л юм гэж ярьж байна.

Бас нэг нь манай тосгон хэрэг төвөг гараад байдаггүй, тайван газар. Жижигхэн болохоор бүх хүн л нэгнийгээ танина. Манай энэ хоёр энгийн л улс. Ёстой оросын жирийн л нэг гэр бүл. Нэг тансаг хангалуун биш, нэг их тарчиг биш. Хоёулаа ажилтай төрөлтэй. Вася архи уугаад байхгүй, хааяа баяраар л ууна. Хэл ам хэрүүл цуугиангүй сайхан хос. Надя нь цэцэрлэгт ажилладаг. Хүүхдүүд нь гэж ёстой хайр татам багачууд байсан гэж байна.

-Василий алтан гартай хүн, ажил дээрээ элдэв ярианд орж байгаагүй гэж түүний ажилладаг барилгын “Квант” компанийн захирал Сергей Костарев хэлээд одоо бид түүнд туслахаар мөнгө цуглуулж байна гэж сууна.

-Охид ер нь л аавын хүүхдүүд байсан. Аав хаашаа бол тэд тийшээ. Баяр ёслол болоход аавынхаа л өвөр дээр сууж харагдана. Полино хотод нэгдүгээр ангид сурдаг, Маша цэцэрлэгт явдаг байлаа. Аав нь өглөөдөөө цэцэрлэгт хүргэдэг, ээж нь орой авдаг байсан. Ээж нь тэр цэцэрлэгт асрагчаар  ажилладаг.
Маша нь гуравхан настай ч их сэргэлэн, ой сайтай болохоор нь дээд ангид дэвшүүлсэн. Манай Надеждагийн хувьд маш тайван, зарчимч эмэгтэй. Их хөдөлмөрч, хариуцлагатай, сайхан хувцасладаг,  хүүхдэд их халамжтай, тэдний аяыг амархан олдог бүсгүй гэж цэцэрлэгийнх нь эрхлэгч Татьяна Тюленева ярьж байна.

Харин Полинагийн багш Татьяна Рудометова “Манай Полина эхний ширээнд суудаг байсан юм. Чимээгүй, их тайван хүнийг их анхааралтай сонсдог хүүхэд байсан. Би тэгээд л Полюшка чи жаахан хөгжилтэй, идэвхтэй байгаа ч дээ гэдэг байсан юм. Дуу хөдөлмөрийн хичээлд сонирхолтой, хөөрхөн дуулдаг, зурж, элдэв тоглоом хийх дуртай байсан юм. Даалгавраа ягштал хийнэ, ээж нь тусалдаг. Ээжийг нь би хүүхдүүд рүүгээ чанга дуугарч байхыг дуулаагүй  хэмээн нулимс дуслуулан ярьж байна.

“Согтуу байсан болохоор юу ч санахгүй байна”

Алуурчин залуу мөрдөн байцаагчид “Согтуу байсан болохоор юу ч санахгүй байна” гэж мэдүүлжээ.

Түүнд одоо ОХУ-ын Эрүүгийн хуулийн дагуу “Бага насны хүүхдийн амь насыг хөнөөсөн” зүйл ангиар хэрэг үүсгэн шалгаж байна.
Мөрдөн байцаалтаар охидыг боож, хутгалж алсан нь тодорхой болсон. Одоо  тосгон даяараа оршуулгад бэлтгэж байна.
Хэрэг гарсны маргааш цагдаагийнхан хэргийн газарт  туршилт хийхээр гэмт этгээдийг авч очиход тосгоныхон бүгдээрээ цугларчихсан “алуурчныг алаад өгье” хэмээн нударга зангидан хашгирцгааж байснаас цагдаагийнхан багагүй хүчээр гэмт этгээдийг “хамгаалах” шаардлага гарсан байна.
Эх сурвалж оросын  http://www.kp.ru/ сайт.