Жүжигчин Майкл Дуглас, Катерин Зета Жонс нар тусдаа амьдраад зургаан сар өнгөрүүлсний эцэст эвлэрч, нэг гэр бүл хэвээр үлдэхээр шийджээ. Эрүүл мэнд, гэр бүлийн асуудлаас болж урьдын халуун дулаан харилцаагаа хадгалахад хэцүү байна хэмээн хагас жилийн өмнөөс тусдаа амьдарч эхэлсэн тэд саяхнаас Нью-Йоркт нэг гэртээ амьдрах больсон байна. 25 насны зөрүүтэй хос хоёрын хувьд өнгөрсөн хоёр жил маш хүнд цаг хугацаа байсан юм. Майкл Дуглас улаан хоолойн хорт хавдар өвчнөөс азаар эсэн мэнд үлдэж, тэр стрессээс үүдэж Катерин Зета Жонс  нэг бол огцом уурладаг нэг бол хэт баярладаг сэтгэл хямралын өвчинд нэрвэгдсэн юм. Гэвч эмчилгээ хийлгэж, хоёул эрүүл болсны дараа тэд хамтын амьдралынхаа тухай дахин нэг бодож, гэр бүлээрээ хүүхдүүдтэйгээ хамтдаа амьдрахыг зөв хэмээн үзсэн гэнэ.