Өмнөд Солонгосын эрх баригчид гадаадын жуулчдад зориулсан нүцгэлэх наран шарлагын газар нээхээр шийдвэрлэжээ. Ингэснээр тэд гадаадын жуулчдыг олноор нь татна гэж тооцсон байна. Наран шарлагын газрыг хаана байгуулахаа ирэх жил сонгон шалгаруулалтаар шийдэж  гурван жилийн хугацаанд байгуулан тоноглож дуусах гэнэ. Энэ тухайд бүс нутгийн засгийн газрын төлөөлөгч “Өнөөдөр ердийн наран шарлагын газар хүмүүсийн сонирхлыг нэг их татахаа больж байна. Ийм үед нүцгэлдэг наран шарлагын газар анхаарал татаж байгаа юм. Тийм ч учраас бид гэр бүлээрээ юм уу, гадаадынхан очдог нудистуудын наран шарлагын газар байгуулахаар бодож байгаа юм” гэж ярьжээ.