“TRW Automotive” компани бүх зүйл нь нэвт шувт харагдах акрилик материалтай машин бүтээснээ Франкфуртын авто шоунд танилцууллаа. Гэхдээ энэ машин ойрын хэдэн жилдээ лавтай хэрэглээнд гарахгүй, 2020-иод оноос л бодит хэрэглээнд нэвтэрнэ хэмээн зохион бүтээгчид нь хэлж байна. Учир нь, энэхүү “шилэн” машиныг ямарваа нэг осол аваар гарлаа гэхэд жолооч болоод зорчигчийг аюулд учруулахааргүй болгон сайжруулах хэрэгтэй байгаа аж.  “TRW Automotive” компани Volkeswagen, Mercedes Benz, Ford, General Motors, Toyota зэрэг компанид аюулгүйн техник хэрэгсэл нийлүүлдэг учир анхны шилэн машиныг аюулгүй байлгах талаас их анхаарч байгаа гэнэ.