“Microsoft” компани гамтай хэрэглэсэн iPad-ыг өөрийнхөө шинэ таблетуудаар сольж өгөх үйлчилгээг хэрэглэгчдэд санал болгож байна. Мөн таблетуудыг нь худалдан авахад 200 ам.долларын хямдрал үзүүлсэн бэлгийн картууд ч гаргажээ. Энэ бол таблетын зах зээл дэх хамгийн хүчтэй өрсөлдөгч  Apple-ийн эсрэг хийж буй “Microsoft”-ын шинэ маркетинг юм. Гэвч хэрэглэгчид хуучин ч гэсэн iPad-аа тус компанийн “Surface” таблетаар солихгүй л болов уу гэж мэргэжилтнүүд үзэж байна. Учир нь, таблетын зах зээлд тэргүүлж буй “Apple”-ийн iPad  аль аль талаараа Surface-ээс илүү юм. Энэ оны эхний улирлын дүн мэдээгээр Apple 19.5 сая iPad худалдаалсан бол “Microsoft” ердөө 900 мянгыг л заржээ.