Нью-Йорк хот энэ долоо хоногт сайхан бүсгүйчүүдээр гудамжаа чимэх шиг л болж байна. Учир нь, Нью-Йоркийн загварын долоо хоногт оролцохоор дэлхийн хамаг л шилдэг моделиуд энд ирснээс гадна ирэх оны хавар зуны загварын чиг хандлагыг үзэж харахаар дэлхийн хэмжээний од бүсгүйчүүд энэ хотыг зорин иржээ. Тэдний нэг жүжигчин Жессика Альба загварын тайзнаа алхах моделиудаас дутахааргүй стильтэй хувцасласан харагдана. Тэрээр "Ralph Lauren"-ий загварын шоуг үзэхээр ирэхдээ хар өнгийн богино ноосон цамцыг шиффон материал бүхий ягаан урт банзалтай хослуулсан нь маш шинэлэг харагдуулж чаджээ.