АНУ-ын зөгнөлт зохиолч Майкл Кричтоны 1990 онд бүтээсэн “Юрийн галавын цэцэрлэг” роман дээр үндэслэн алдарт найруулагч Стивен Спиелберг 1993 онд кино бүтээл болгосон нь зөгнөлт кинонд үнэтэй хувь нэмэр оруулсан билээ. Төв Амеркид орших “Исла Нублар” хэмээх хийсвэр арал дээр өрнөж буй хөгжилтэй үйл явдлын талаар өгүүлдэг энэ кино шүүмжлэгдээс маш өндөр оноо авсан цөөн хэдэн бүтээлийн нэгт тооцогддог. Тэгвэл “Юрийн галавын ертөнц” нэрээр тус киноны дөрөв дүгээр ангийг ирэх 2015 оны зургадугаар сарын 12-ны өдөр нээхээр төлөвлөж байгаа тухай өчигдөр “Universal Pictures”  албан ёсоор мэдээллээ. Киноны үйл явц хэрхэн өрнөх, ямар өөрчлөлтүүд гарах зэрэг мэдээлэл одоохондоо нууц байгаа ч оны дараа дэлгэрэнгүй ярилцлага өгөхөө энэ үеэр мэдэгдэв. Сонирхуулахад тус бүтээлийн нээлтээс хэдхэн хоногийн дараахан буюу зургадугаар сарын 22-нд “Терминатор” нээлтээ хийхээр болсон юм.