“Two Islands” бол Лондонгийн хамгийн залуу архитекторын багаас бүрдсэн хүчирхэг хамт олон юм. Тэдний хамгийн сүүлд бүтээсэн дээрх барилга олны анхаарлыг эрхгүй татаж байна. Машины зогсоолын дээгүүр хөвж  буй мэтээр харагдах энэ байгууламж АНУ-ын Мичиган мужийн Флинт хотод сүндэрлэжээ. Олон нийтийн зориулалалт бүхий байгууламжийг дэмжих, олшруулах зорилготой барилга, интерьер дизайны бизнес эрхлэгчдийн дунд зохион байгуулагдсан “Flat Lot” төслийн шилдэгийн шилдэг 400 бүтээлээс шалгарсан энэ загварыг “Маркын байшин” гэдэг. Алдарт ”General Motors”-н төрөлх нутаг, эсрэгээр, 2012 онд тус улсын хамгийн их буюу 2774 гэмт хэрэгийн дэгдэлттэй хот болсон нь тус төслийг санаачлах гол түлхүүр болжээ. “Two Island”-н санаачлагч Уиллям Уиллалобос хэлэхдээ “Архитектурыг хаана бий болж байгаа гэдгээр нь янз бүрийн санаагаар гүйцэтгэж болно. Энэ бүтээлийн санаа эхэлж гарсан ч зориулалттай төгс зохицож байгаа” гэжээ.

“Марk’s house”-н гол онцлог нь байгууламжийг сонирхохоор ирсэн хүмүүс хүсвэл өөрийн зургаа авахуулан тааз хэсэгт байрлуулах боломжтой.Өөрөөр хэлбэл орчин үеийн дэвшилтэт технологийг ашиглан таны зургийг хэвлээд гэрэлт хайрцаганд хийж байршуулснаар цагийг зугаатай, үр дүнтэй өнгөрөөх, цаашлаад гэмт хэргийн тоог бууруулах зорилготой. Ийнхүү төрөл бүрийн урлаг соёлын арга хэмжээ, жижиг спортын үйл ажиллагааг явуулах боломжтой олон нийтэд зориулсан гайхалтай бүтээл бий болсон нь хотын иргэдийн сэтгэлд бүрэн нийцэж байна.