Суперменд донтоод гадаад төрхөөрөө яг ижил болох гэж 16 удаа гоо сайхны мэс засал хийлгэсэн Филлипин эрийн тухай бид өмнө нь мэдээлсэн . Тэгвэл энэ удаа Батмен, Ахмад Амеркийн өмсгөлтэй хоёр эр гал гарсан байшинд түгжигдсэн муурыг аварсан сонирхолтой үйл явдал АНУ-ын Виржиниа мужид болжээ. Супербаатрууд маань гудамжны цаана хүүхдэд зориулсан хөтөлбөрт зориулан ийнхүү хувирчихсан явж байх үеэрээ эсрэг гудамжны байшингаас утаа суунаглахыг хараад аврахаар очсон гэнэ. Аз болоход Батмены  өмсгөлтэй Жонн Бакланд өмнө нь гал сөнөөгч байсан учрааас ямар ч эрсдэлгүйгээр муурыг аварчээ. Тэрээр энэ талаар “Утаа маш өтгөн гарч байсан учраас дотор ямар нэг зүйл байж магадгүй гээд цонхоор гараа оруултал ямар нэг үслэг зүйл мэдрэгдсэн” гэжээ.