X Factor-н түүхэн дэх “хатуу самар” гэх хочтой Саймон Ковелл шүүгчийн ажилдаа эргэн ирж магадгүй гэнэ. Учир нь түүнийг байхгүй байсан хоёр жилд үзэгчдийн тоо эрс буурсан аж. Мягмар гарагт 10 дахь удаагийн улирлын тэмцээний нээлтийн үеэр тэрээр “Энэ удаагийн шоуг маш өвөрмөц болоосой гэж хүсч байна. Хэрвээ би эргээд шүүгчийн ширээнд суулаа гэхэд дургүйцэх хүмүүс олон ч яагаад болохгүй гэж” хэлжээ. Ямартай ч Саймоны талаар шоуны зохион байгуулагчид зөвлөлдөж байна. Мөн шүүгч “Take that” хамтлагийн гишүүн Гери Барлоу шоуны төгсгөл гэхэд үзэгчдийн тоо хэвийн байдалдаа орох байх хэмээн найдаж буйгаа мэдэгдсэн байна. Хамгийн эхний дугаар маргааш буюу энэ сарын хамгийн сүүлийн өдөр “ITV1” телевизээр албан ёсоор цацагдана.