XX зууны хамгийн гайхамшигтай нээлт “цахим орчин”-г ашиглан дэлхий даяар тархан суурьшсан хүмүүсийг холбодог маш олон хэрэглээ гарч ирснээс хамгийн амжилттай хөгжсөөр байгаа нь Майкрософт корпорацийн “Skype” үйлчилгээ билээ. Тэд хэрэглэгчдийн хүсэл сонирхолд нийцүүлэн нэгэн шинэчлэл хийсэн нь “3D” нягтарлаар  хоорондоо харилцаж болох боломжийг нээжээ. Энэ жил 10 нас хүрч байгааг тохиолдуулан хийж буй энэ өөрчлөлтийг төгс болгохын тулд лабораторийн орчинд 3D дэлгэц болон зураг авах боломжийг хайн тодорхой хугацаа зарцуулсан талаараа дэд ерөнхийлөгч Марк Гиллет хэлсэн аж. Ингэснээр 3D компьютер болон зурагт худалдан авах хэмжээ эрс ихэссэн ч зураг авах процессын хувьд хараахан бэлэн болоогүй байгаа гэнэ.