Дорноговь аймгийн унаган охин МЗЭ-ийн шагналт, Болор цомын эзэн яруу найрагч Г.Мөнхцэцэгийн нэрэмжит яруу найргийн тэмцээн энэ сарын 22, 23-нд болох билээ. Тэгвэл уг наадамд Ардын уран зохиолч Тангадын Галсан, “Болор цом”-ын эзэн Дамдинсүрэнгийн Урианхай, Цоодолын Хулан, Баярхүүгийн Ичинхорлоо, Жамсрангийн Баяржаргал, Норовын Гантулга болон Соёлын гавьяат зүтгэлтэн дууны шүлгийн нэрт мастер Үржингийн Хүрэлбаатар, МЗЭ-ийн шагналт Намбарын Пүрэв, Д.Нацагдоржийн нэрэмжит шагналт Хайдавын Чилаажав, БНСУ-ын нэрт зохиолч Ким Ён Су зэрэг бичгийн их мэргэд оролцохоор болжээ. Г.Мөнхцэцэг найрагчийн нэрэмжит эл наадамд МУГЖ Г.Ариунбаатар, СТА Г.Эрдэнэтунгалаг нар дуу хуурын дээжээсээ өргөх ажээ. Домогт Сулинхээрийн тал дахь хилийн заставт уг наадам болох юм.
