Хэрвээ танд эрвээхэй, цох, зөгий гээд шавьжны ертөнц сонирхолтой санагддаг бол загварынхан энэ намрын гоёлд тань зориулж шинэхэн бүтээлээ бэлтгээд байгаа юм байна. “Alexander McQueen”-ний намрын загварт элдэв янзын цох, аалз, хүрэлзгэнэ гээд л бүхий л төрлийн шавьжны зураг бүхий  алчуур шинээр гарч ирж байгаа аж. Гэхдээ үүнийгээ нэгэн тэмдэглэлт өдөрт зориулан гаргаж байгаа гэж онцолжээ. Тэр нь юу вэ гэхээр тус загварын ордноос хохимой толгой бүхий алчуур гаргасны 10 жилийн ой энэ жил болж буй юм. Шавьжны ертөнцөд зочилсон зураач Дэмиен Херстийн цуврал зураг бүхий шинэ алчуурууд арваннэгдүгээр сараас худалдаанд гарна. Гэвч энэхүү алчуурыг авахад багагүй мөнгө төлөх шаардлагатай. Худалдаанд гаргах анхны үнийг загварын ордноос 480 ам.доллар хэмээн тогтоосон байгаа аж.

Дэмиен Херст цуврал зургаа бүтээхэд хэдэн мянган шавьж золиосолсон гэдэг. Alexander McQueen  хамтран гаргаж байгаа түүний бүтээлүүд амжилттай болно гэдэгт төслийг санаачлагчид итгэл дүүрэн байгаа гэнэ.

Платок Alexander McQueen с принтом в форме черопов