Францын тэргүүн хатагтай болоод загварын ертөнцөөс холдсон Карла Бруни нөхөр нь албаа өгсний дараа ч хөгжим гээд анх алдар нэрд хүргэсэн загвараасаа хол байсан. Тэгвэл 45 настай экс тэргүүн хатагтай “Bulgari”-гийн тансаг зэрэглэлийн үнэт эдлэлийн сурталчилгаанд тоглосноор загвартаа эргэн ирж буйгаа зарлалаа. 1980-аад онд гарч ирж, 90-ээд онд шуугиул байсан ид үеийнх шигээ залуухан биш ч түүний тоглосон үнэт эдлэлийн сурталчилгаа нас намбанд нь тохирсон үнэтэй, чамин байдлыг нь илтгэж чаджээ. Карла Бруни цагтаа Chanel, Dior, Givenchy, Yves Saint Laurent зэрэг брэндийн нүүр царай болж явсан юм.