Гар утаснаасаа салахаа больсон өнөө цагт гарын хуруу чилж өвдөх явдал бишгүйдээ тохиолддог. Яг үүнд зориулсан хурууны бяцхан жинг нэгэн компани гаргасан байна. Хүндийг өргөлтийн жингийн багасгасан хувилбар болох 65 грам жинтэй энэ туухайг эрхий хуруундаа тохон өргөөд байвал хурууны булчинд дасгал болон чангарч, гар утсаа ашиглах үед тэр бүр өвдөөд байхгүй болно. Сүүлийн үед 4G хэрэглээнд нэвтэрснээр хуруугаа илүү хурдан ашиглах шаардлагатай болсон учраас “Tumbell” хэмээх энэ жин маш хэрэгтэй гэж зохион бүтээгчид нь хэлж байна.  Их Британид хийсэн судалгаагаар гар утас хэрэглэгч 60 гаруй сая хүн хэт их хэрэглээнээс болоод гар, хуруу нь өвддөг болохыг хэлсэн байна.