Хөгжмийн ертөнцийн домог болсон дуучин Тина Тернер 73 насандаа хуримаа хийсэн билээ. Алдарт дуучны хуримын зургийн цомгоос “Hello” сэтгүүл дэлгэж, ярилцлагыг нийтэлсэн байна. Тина Тернер хуримандаа уламжлалт цагаан даашинз бус хар өнгийн сваровски шигтгээтэй Арманигийн даашинз өмссөн нь дуучны стиль имижийг тод илэрхийлж байжээ.  Тэрээр 27 жилийг хамтдаа туулсан Германы хөгжмийн продюсертэй гэрлэсэн бөгөөд Цюрихийн эрэг дээрх байшинд нь болсон хуримын ёслолд нь Опра Уинфри, Брайн Адамсаас эхлээд дэлхийн одод хүрэлцэн иржээ. “Шинэхэн” гэр бүлийн хос хоёр бал сараа Италид өнгөрүүлж байгаа аж.