ССАЖ-ын сайд Ц.Оюун­гэ­рэл өнгөрсөн тавдугаар са­рын 24-ний өдөр АНУ-ын Холливудын “Марвел Энтер­тайнмент” ХХК-ийн ерөн­хий­лөгч Кевин Фейжэд хандан албан бичиг илгээсэн юм. Энэ бичигт “Төмөр хүн-3”  кинонд монгол бичиг, үндэсний уран бичлэгийг  маань Террорист бүл­гэмийн бэлгэ тэмдэг бол­гон өвийг тээгчдийн зөв­шөө­рөлгүйгээр хэрэглэсэн байгааг дурьдаад, биднээс нөхөрсгөөр уучлал хүсэхийг хүссэн. Тэгвэл уг албан бичгийн хариу иржээ.
“Уг кинонд Монгол уран бичлэгийг гол сүлдээ болгосон нэгэн эсрэг талын зохиомол дүрийн талаар үзүүлсэн байдаг. Киноны эхний хэсэгт тэрээр өөрийгөө алан хядагчдын бүл­гэмийн тэргүүлэгчээр зарлаж, ард иргэдийн дунд төөрөгдөл үүсгэдэг. Гэвч тэрхүү зохиомол алан хядагчдын тэргүүлэгчид Их Британийн жүжигчин Тревор Слатеррийн /жүжигчин Бэн Кингслей тоглосон/ ард өөрийн жинхэнэ дүр төрхийг нууцалсан Алдрих Киллиан /Гай Пийрс тоглосон/ гэх жинхэнэ муу талын дүрийн тухай гардаг юм. Зохиомол дүрийг бүтээхдээ Киллиан нь маш олон орноос хэд хэ­дэн бэлгэдэл түүвэрлэн хэрэг­лэ­сэн. Киноны зохиолын дүр бо­лох хорон муу санаатай эт­гээд нь Монгол Улстай ямар ч холбоогүй бөгөөд Мон­гол Улсын иргэдийг буруу талаас нь харуулаагүй бо­ло­хыг илэрхийлнэ” гээд Мон­гол­чуу­дад буруу ташаа сэтгэгдэл тө­рүүлсэндээ хүлцэл өчиж, ийм үр дагавар гарна гэж тө­сөөл­сөнгүй гэдгээ хэлж, үнэхээр харамсч байгаагаа мэдэгджээ.